طريقتين من رسمة واحدة
من «تصميم جديد» اختار «📷 من رسمة» وارفع صورة رسمتك، وقول لو هي أوضة ولا قطعة (أو سيبه يحدد).
١. الـ AI يقرا الرسمة
بيقرا الأرقام المكتوبة — حتى لو بالأرقام العربي — وأماكن الباب والشباك والقطع المرسومة، ويطلعلك شاشة مراجعة: رسمتك على جنب واللي فهمه على الجنب التاني، وكل رقم تقدر تعدّله، ومربع بيقولك إيه اللي ما كانش واضح واتقدّر. لما توافق، بيبقى تصميم عادي ورسمتك تحته.
٢. ارسم فوقها بنفسك
الرسمة بتتحط تحت المخطط، وتظبط مقاسها بطول واحد معروف: تدوس على أول وآخر حيطة مثلًا وتكتب طولها الحقيقي، فالرسمة كلها تتظبط. بعد كده ترص القطع فوقها بالظبط، وتتحكم في شفافيتها ومكانها.
عشان تتقري صح
- اكتب الأرقام على الرسمة بالسنتي.
- اكتب اسم كل قطعة جوه مربعها، وعلّم الباب والشباك.
- صوّر الورقة من فوق في نور كويس.
الميزة بالاشتراك: رفع الرسمة والرسم عليها، وقراءتها بالـ AI (بتتحسب طلب واحد من حصة الـ AI).