التصميم بالـ 3D من جوه الستوديو
في باقة 3D، أي تصميم تعمله بيبقى مجسّم: تلف حواليه وتقرّب وتبعّد وتبص من فوق أو من الجنب، وتحرك القطع جوه المجسّم نفسه. الألوان والتشطيبات وحلق الأبواب والشبابيك باينين، والمقاسات مكتوبة على الأوضة وعلى كل قطعة.
المعرض = متجرك الإلكتروني
المعرض شغال على نفس محرك متاجر ميزان، فبياخد كل إمكانياتها:
- رابط باسمك: /اسم-مكتبك، وبراندينج كامل من شاشة البداية والهيدر والبانر لحد الفوتر.
- SEO: الميتا وOpen Graph والتحقق من الملكية وخريطة الموقع.
- البيع أونلاين: سلة ودفع عند الاستلام أو Paymob أو فوري أو Stripe، ورسوم شحن وأقل طلب.
- الطلبات: بتنزل في صفحة الطلبات زي أي طلب أونلاين، ولو التصميم بيتعمل حسب الطلب خاماته بتتخصم من المخزون مع البيعة.
صفحة «تصميماتنا»
التصميمات اللي بتنشرها بتظهر في صفحة لوحدها، والشاري يفتح أي تصميم ويلف فيه بالـ 3D (في باقة 3D)، ولو التصميم معروض للبيع يلاقي زرار «اطلبه أونلاين»، أو يكلمك واتساب يقولك «عايز تصميم زي ده».
التحكم عندك
من صفحة الإعدادات تشغّل المعرض أو توقفه مؤقتًا بدوسة، والرابط والتصميمات فاضلين زي ما هم.
